Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Бокстан 2021 жылғы әлем чемпионаты өтетін уақыт белгілі болды

2021 жылдың 13 мамыр 2021 12:09

НҰР-СҰЛТАН. ҚазАқпарат - Бокстан ерлер арасындағы 2021 жылғы әлем чемпионаты өтетін уақыт нақтыланды, деп хабарлайды ҚазАқпарат тілшісі.

Әлемнің үздік былғары қолғап шеберлері 26 қазан мен 6 қараша аралығында Сербия астанасы - Белград қаласында бақ сынайды. Бұл жөнінде AIBA басшылығы мәлім етті.

Айта кетейік, әлем чемпионаты 1974 жылдан бері тұрақты түрде өткізіліп келеді. Бүгінгі күнге дейін қазақстандық боксшылар барлығы 46 медаль еншілеген болатын. Олардың 12-і алтын, 13-і күміс, 21-і қола медаль.

2019 жылы Ресейдің Екатеринбург қаласында өткен дүбірлі додада қазақстандық Бекзат Нұрдәулетов (81 келі) алтын олжалады.

Ал Қамшыбек Қоңқабаев (91 келіден жоғары) күміс алса, Сәкен Байбосынов (52 келі), Абылайхан Жүсіпов (69 келі), Тұрсынбай Құлахмет (75 келі), Василий Левит (91 келі) қола жүлдегер атанды.


Автор Әділжан Үмбет
Басты сөздер: Спорт,
Жоғары қарай