Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

«Boeing-767» ұшағының Атырауға шұғыл қону себебі белгілі болды

2021 жылдың 24 қыркүйек 2021 11:53

НҰР-СҰЛТАН. ҚазАқпарат – Елордадан Ыстанбұлға ұшып шыққан «Boeing-767» ұшағы Атырау халықаралық әуежайына техникалық себепке байланысты шұғыл қонды, деп хабарлайды ҚазАқпарат тілшісі.

«23 қыркүйек күні сағат 21-35-те Атырау халықаралық әуежайына «Boeing-767» ұшағы мәжбүрлі түрде қонды. Себебі – жанар-жағармай жүйесіндегі техникалық ақау. Борт Нұр-Сұлтан-Ыстанбұл бағытында ұшып бара жатқан. Ұшақ Эйр Астана әуе компаниясына тиесілі», - деп атап өтеді Атырау облыстық ТЖД баспасөз қызметінен.

Ұшақ бортында 205 жолаушы, оның ішінде 5 бала және экипаждың 5 мүшесі болған. 4 жолаушы Атырау қаласында тұратын туыстарының үйіне барса, 2 жолаушы басқа ұшақпен Нұр-Сұлтан қаласына ұшып кеткен. Ал қалған 199 жолаушы «Sulo Hotel» қонақ үйіне орналастырылған.

«Ұшақты техникалық қалпына келтіру және жөндеу жұмыстары жүргізіліп жатыр. 24 қыркүйек күні сағат 14-00-де «Boeing-767» ұшағының Ыстанбұл қаласына ұшып шығуы жоспарланған», - деп атап өтеді ведомстводан.


Автор Марлан Жиембай
Басты сөздер: Атырау облысы, Оқиға,
Жоғары қарай