Ауа райы
Астана -3 °С
Алматы 7 °С
валюта бағамы
USD 421.58
EUR 496.83
RUB 5.53
CNY 62.20

БҚО трассасындағы жол апаты: Дәрігерлер зардап шеккендердің жағдайын айтты

2020 жылдың 29 қыркүйек 2020 17:50

ОРАЛ. ҚазАқпарат – Батыс Қазақстан облысының дәрігерлері Индер-Орал автожолындағы көлік апатынан зардап шеккендердің денсаулығы туралы айтты, деп хабарлайды ҚазАқпарат тілшісі.

Оқиға 25 қыркүйекте Ақжайық ауданында болған еді. Ішінде 5 адам болған «Chevrolet Niva» көлігі аударылып, 26 жастағы ер адам оқиға орнында көз жұмды, төртеуі зардап шекті.

БҚО Денсаулық сақтау басқармасының баспасөз қызметінен мәлім еткендей, Ақжайық аудандық ауруханасына жатқызылған зардап шеккендердің екеуі кеше Оралдағы қалалық көпбейінді аурухананың нейрохирургиялық бөлімшесіне ауыстырылды. «Себебі жарақат алғандар ерекше күтімді қажет етеді және мамандардың бақылауында болуы керек. 23 және 46 жастағы ер адамдарды қазіргі кезде дәрігерлер отаға әзірлеуде. Қалған екі тұрғын амбулаторлық ем алуда», - деді ведомстводан.

БҚО Полиция департаментінен нақтылағанындай, қазіргі кезде осы оқиға бойынша ҚР ҚК-нің 345-бабы 3-бөлігіне сәйкес тергеу амалдары жүргізілуде.


Жоғары қарай