Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

БҚО-да жоғалып кеткен ер адамның денесі Жайық өзенінен табылды

2021 жылдың 2 желтоқсан 2021 03:21

ОРАЛ. ҚазАқпарат – Батыс Қазақстан облысында жоғалып кеткен ер адамның денесі Жайық өзенінен жеті күннен кейін табылды, деп хабарлайды ҚазАқпарат тілшісі.

БҚО полиция департаментінің баспасөз қызметі мәлім еткеніндей, 30 қараша күні Бәйтерек ауданы Январцев ауылы тұсында Жайық өзенінен 34 жастағы ер адамның зорлық-зомбылық белгілері бар денесі табылды.

Марқұм 23 қараша күні із-түзсіз жоғалып кеткен болатын.

Жедел іздестіру іс-шаралары барысында Приурал полиция бөлімі Январцев ауылының С. деген тұрғынын анықтап, ұстады.

Күдікті осы қылмысты жасағанын мойындады. Ол ҚР Қылмыстық істі жүргізу кодексінің 128-бабы тәртібімен уақытша ұстау изоляторына қамалды.

Қазіргі кезде ҚР ҚК 99-бабы 1-бөлігіне (адам өлтіру) сәйкес сотқа дейінгі тергеу амалдары жүргізілуде.

Еске сала кетейік, бұдан бұрын БҚО-да іздеу жарияланған екі ер адамның бірінің денесі табылғанын жазған болатынбыз.




Жоғары қарай