Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

БҚО-да мұзға қатып қала жаздаған аққулар құтқарылды

2020 жылдың 18 қараша 2020 22:23

ОРАЛ. ҚазАқпарат – Батыс Қазақстан облысында мұзға қатып қала жаздаған аққулар құтқарылды, деп хабарлайды ҚазАқпарат тілшісі.

БҚО ТЖ департаментінің баспасөз қызметі мәлім еткеніндей, оқиға 18 қараша күні Жәнібек ауданы орталығы Жәнібек ауылында болды.

Жәнібек ауылдық округі әкімінің орынбасары ауылдың солтүстік-батыс жағындағы су қоймасында жабайы аққулардың мұзға қатып жатқаны жөнінде хабар түскен.

Жергілікті тұрғындардың сөзіне қарағанда, құстар таңертең мұзға жабысып қалған. Тұрғындар құстардың айналасындағы мұзды жарғанымен, алып шыға алмаған. Осылай түнге қалса, аққуларға одан сайын тоңып, өліп қалу қаупі төнді.

Оқиға орнына №21 өрт сөндіру бекетінің құтқарушылары жедел жетіп, аққуларды құтқарды.

Қазіргі уақытта құстар ауыл тұрғынының қорасына жеткізіліп, орналастырылды.

Таяуда жабайы аққуларды көктемге дейін жылы орынға орналастыру мәселесі шешілетін болады.





Жоғары қарай