Ауа райы
Астана 9 °С
Алматы 18 °С
валюта бағамы
USD 421.58
EUR 496.83
RUB 5.53
CNY 62.20

БҚО-да көршілес өңірлермен шекарада блок-посттар жұмыс істеуде

2020 жылдың 23 наурыз 2020 18:51

ОРАЛ. ҚазАқпарат – Батыс Қазақстан облысында коронавирустың таралуына жол бермеу мақсатында көршілес өңірлермен шекарада блок-посттар жұмыс істеуде, деп хабарлайды ҚазАқпарат тілшісі.

БҚО тауарлар мен көрсетілетін қызметтердің сапасы мен қауіпсіздігін бақылау департаментінен алынған мәліметке қарағанда, Ақтөбе және Атырау облыстарымен шекараларда блок-посттар 21 наурыздан бастап қойылды.

Санитарлық блок-посттар БҚО-ның Шыңғырлау ауданы мен Ақтөбе, және де Ақжайық ауданы мен Атырау облысының шекарасында тұр. Оларда тәулік бойы полиция және санитарлық-эпидемиологиялық қызмет жұмыс істеп, сауалнама жүргізуде.

Күні бүгінге дейін Ақжайық блок-постында 321, Шыңғырлауда 1058 азаматтан сауалнама алынды.

Блок-посттардан өткен жолаушылардың барлығында денсаулық жағдайына шағымдары болған жоқ.

Жұмыс жалғасуда.

Қазіргі уақытта облыс бойынша шет елден келген 125 адам бақылануда. Соның ішінде 1 «а» санатына жататын 15 адам карантинде жатыр. Сондай-ақ 1 «б» санатында 109 адам үй карантинінде. 2-санатқа жататын бір адам үйінде.

Еске сала кетейік, бұдан бұрын БҚО-да вирус туралы жалған видео таратқан ер адам кешірім сұрағанын жазған болатынбыз.


Жоғары қарай