Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

БҚО-да инфекциялық стационарларда жатқандар саны 300-ден асты

2021 жылдың 22 қаңтар 2021 00:14

ОРАЛ. ҚазАқпарат – Батыс Қазақстан облысында жұқпалы аурулар стационарларында жатқандар саны 311-ге жетті, деп хабарлайды ҚазАқпарат тілшісі.

БҚО Денсаулық сақтау басқармасының баспасөз қызметінен мәлім еткендей, өңір коронавирустың таралуы бойынша «қызыл» аймақта тұр.

Қазіргі таңда 27 адам жансақтау бөлімінде жатыр. Сондай-ақ 30 адам карантиндік стационарда емделуде.

Осы кезге дейін облыста індет жұқтырғандар саны 10085-ке жетсе, соның 8699-ы жазылды. 183 адам қайтыс болды.

Коронавирус белгілері бар пневмонияға шалдыққан 276 адам стационарлық, 52-сі амбулаторлық ем алды. Бұл дерттен 264 адам көз жұмды.

Күні бүгін инвазивті емес жасанды тыныс алу аппаратына 8, оттегі концентраторына 14, орталықтандырылған оттегі көзіне 57 адам қосылған.

Қаңтар айында ғана өңірде 65 бала коронавирус жұқтырды.

Осы айда «Жайықмұнай» ЖШС-ның 9 қызметкерінен індет табылды. Ал «ҚПО б.в.» компаниясында 15 адамның коронавирус жұқтырғаны тіркелді.

Еске сала кетейік, бұдан бұрын Батыс Қазақстан облысында карантиндік шектеу шаралары күшейтілетінін жазған болатынбыз.


Жоғары қарай