Ауа райы
Астана 9 °С
Алматы 15 °С
валюта бағамы
USD 412.55
EUR 468.66
RUB 5.79
CNY 58.80

БҚО-да дәрі-дәрмекті заңсыз сатқан тұрғын жауапқа тартылды

2020 жылдың 16 шілде 2020 22:29

ОРАЛ. ҚазАқпарат – Мемлекет басшысының тапсырмасына сәйкес БҚО прокуратурасы құқық қорғау және мемлекеттік органдармен бірлесіп, дәрі-дәрмекпен алыпсатарлықты анықтау және кінәлілерді жауапқа тарту бағытында жұмыс жүргізуде, деп хабарлайды ҚазАқпарат тілшісі.

БҚО прокуратурасынан түскен мәліметке қарағанда, прокуратура, экономикалық тергеу департаменті, полиция департаменті қызметкерлерінен құралған жедел топ дәрі-дәрмекті жоғары бағамен сатудың 7 және рұқсат құжаттарынсыз өткізудің 3 дерегін анықтады.

Атап айтқанда, 8 шілде күні экономикалық тергеу департаментінің қызметкерлері жедел іс-шаралар барысында «Арбидол» препаратының 1 орамын 5 мың теңгеден сатылғанын анықтады. Денсаулық сақтау министрлігінің 2019 жылғы 15 шілдедегі бұйрығымен аталған препаратқа 2312 теңге мөлшерінде шекті баға белгіленген болатын.

Осылайша жосықсыз кәсіпкер Орал қаласы аумағында дәрі-дәрмекті 100 пайыз артық бағамен сатқан.

Дәріхана иесіне қатысты ҚР Әкімшілік құқық бұзу кодексі 426-бабы 1-бөлігіне сәйкес материал толтырылып, әкімшілік жауапкершілікке тарту үшін БҚО тауарлар мен қызметтердің сапасы мен қауіпсіздігін бақылау департаментіне берілді.

Сондай-ақ У. деген азамат Цеф-3 антибиотиктерін рұқсат құжатсыз қайта сатып, заңсыз фармацевтикалық қызметпен айналысқан. Бұл азамат ҚР Әкімшілік құқықбұзушылық кодексі 424-бабы 1-бөлігіне (заңсыз фармацевтикалық қызмет) сәйкес әкімшілік жауапкершілікке тартылды.

Еске сала кетейік, бұдан бұрын БҚО-да демалыс күндері базарлар қызметі тоқтатылып, автобустар жүрмейтінін жазған болатынбыз.


Жоғары қарай

Warning: file_put_contents(): Only 0 of 15740 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920