Ауа райы
Астана 25 °С
Алматы 27 °С
валюта бағамы
USD 409.19
EUR 461.24
RUB 5.67
CNY 58.26

БҚО-да 1,7 тоннадан астам балық тасымалдаған жүргізуші ұсталды

2020 жылдың 28 наурыз 2020 17:55

ОРАЛ. ҚазАқпарат – Батыс Қазақстан облысында 1,7 тоннадан астам балық алып келе жатқан жүргізуші ұсталды, деп хабарлайды ҚазАқпарат тілшісі.

БҚО полиция департаментінің ресми өкілі, полиция полковнигі Болатбек Белгібековтің айтуынша, оқиға 27 наурыз күні Самара-Шымкент күре жолы бойында болды.

Шамамен сағат 15.20-да Теректі ауданы Барбастау ауылы тұсында 1968 жылғы Б. деген азамат айдап келе жатқан «ГАЗель» автокөлігі тоқтатылды.

Көлікті қараған кезде 35 қапқа салынған 1779 кг қара балық табылды.

Қазіргі кезде ҚР ҚК 196-бабы 1-бөлігіне сәйкес тергеу амалдары жүргізілуде.

Еске сала кетейік, бұдан бұрын БҚО-да 1,2 тонна балық алып келе жатқан жүргізуші ұсталғанын, Оралда велосипед жымқырып, дәніккен ұрының қолға түскенін жазған болатынбыз.



Жоғары қарай