Ауа райы
Астана 6 °С
Алматы 9 °С
валюта бағамы
USD 421.58
EUR 496.83
RUB 5.53
CNY 62.20

Биыл 22 ірі сүт-тауарлары фермасы өз жұмысын бастайды – АШМ

2020 жылдың 3 тамыз 2020 15:00

НҰР-СҰЛТАН. ҚазАқпарат - Бірінші жартыжылдықта Қазақстанда 6 ірі сүт фермасы іске қосылды. Биылғы жыл соңына дейін елімізде тағы осындай 16 сүт фермасы пайдалануға берілмек, деп хабарлайды ҚазАқпарат тілшісі.

Бұған дейін белгілі болғандай, ҚР Ауыл шаруашылығы министрлігінің алдына сүт өнімдерінен импортты алмастыру бойынша үлкен міндет қойылған еді. Осы жоспардың аясында Ауыл шаруашылығы министрлігі жыл сайын 25 өнеркәсіптік сүт фермасын пайдалануға беру бойынша белсенді жұмыс жүргізуде.

Ағымдағы жылдың алғашқы алты айының қорытындысы бойынша 3810 бас іірі қара малға арналған 6 сүт фермасы іске қосылды. Олардың бесеуі Алматы облысында орналасқан: «Ақсүт LLC» ЖШС СТФ және «Фирма Апрель», «Алматы» Племзавод», «Қарабасова» және «Садыхан» ШҚ.

Сонымен қатар, Түркістан облысында сүт тауарлары фермасын кеңейту жобасы аясында 1600 басқа арналған «Қазына жер» ЖШС ашылды.

Сондай-ақ, Ауыл шаруашылығы министрлігінің бастамасы бойынша Индустрия және инфрақұрылымдық даму министрлігі СТФ құрылысы жобаларына сараптама жүргізу рәсімін жеңілдеткенін атап өткен жөн.

Айта кетсек, ірі қара малдар саны 1500-ге дейінгі сүт өндіруге арналған мал шаруашылығы кешендерін жауапкершілік деңгейіне жататын ғимараттар мен құрылыстарды техникалық немесе технологиялық тұрғыдан күрделі нысандарға жатқызудың жалпы тәртібін айқындау қағидаларына түзетулер енгізілді.

Бұл мемлекеттік монополияға қатысты кешенді ведомстволық емес сараптамадан өту міндеттемесін жоққа шығарады. Осылайша, жобаның тапсырыс берушілеріне (фермерлеріне) кез келген аккредиттелген сараптамалық ұйымды ТЭН немесе жобалық-сметалық сараптама жүргізу үшін таңдауға мүмкіндік беріледі. Бұл процестерді жеделдетуге және құрылысқа қажетті құжаттарды дайындау шығындарын азайтуға мүмкіндік береді.

Естеріңізге салсақ, бұған дейін фермерлер кешенді ведомстводан тыс сараптамадан өткен кезде мал шаруашылығы жобаларын іске асырудың құны мен қымбаттауы туралы бірнеше рет шағымданған болатын.


Басты сөздер: ҚР АШМ, Ауыл шаруашылығы,
Жоғары қарай