Ауа райы
Астана 27 °С
Алматы 27 °С
валюта бағамы
USD 405.66
EUR 454.70
RUB 5.71
CNY 57.43

#Birgemiz: Су жаңа бейнебаян көрерменге жол тартты

2020 жылдың 24 наурыз 2020 20:23

НҰР-СҰЛТАН. ҚазАқпарат - Әнші Ибрагим Ескендірдің #Birgemiz үндеуіне орай шығарған әніне бейнебаян түсірілді, деп хабарлайды ҚазАқпарат тілшісі.

«Ел басына күн туғанда Президентіміз халқымыздың саулығын ойлап, төтенше жағдай жариялады. Жағдайды жеке бақылауында ұстап отыр. Елбасымыз ел кәсіпкерлерлерін біріктіріп «Біргеміз» қорын құрды, мемлекетшілдік сананы күшейтіп, ынтымақтасуға шақырды. Дәл осындай сын сағатта жұрттың жұдырықтай жұмылуы, ұлттың мығым бірлігі ғана бізді қиындықтан алып шығады. Яғни, біз сөзде де, істе де татулық танытып, бірге екендігімізді өзімізге дәлелдегенде ғана мықты мемлекет, ұлы ұлт боламыз», деп жазды әнші Ибрагим Ескендір Instagram-дағы парақшасында.


Оның айтуынша, осы идеяны ту еткен туынды «Біргеміз» деп аталады. Сазын Ибрагим Ескендір, сөзін Сырым Әуезхан жазған. Орындаушы Ибрагим Ескендірдің өзі.

«Қазақты көргім келеді» әніне клип түсірген «Хабар» агенттігі еліміздің Ақпарат және қоғамдық даму министрлігінің қолдауымен аз ғана күннің ішінде су жаңа «Біргеміз» әніне арнайы бейнебаян түсірді.

«Хабарлық шығармашылық топ: режиссері Нұрсерік Қамбар, қоюшы операторы Әлібек Әлиев, продюсері Әсел Тұрсынғазина», делінген хабарламада.

Бұған дейін әнші Ибрагим Ескендір #Birgemiz әнін шығарғанын хабарлаған едік.



Жоғары қарай