Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Бейжіңдегі қысқы Олимпиада ойындарына билеттер сату реті белгіленбеді

2021 жылдың 23 желтоқсан 2021 20:27

БЕЙЖІҢ. ҚазАқпарат – Бейжіңдегі Олимпиаданың ұйымдастыру комитеті 2022 жылғы қысқы олимпиада ойындарына билеттер сату ретін анықтамады. Бұл туралы бейсенбі күні ҚХР Мемлекеттік кеңесі баспасөз кеңсесінің брифингі барысында «Бейжің-2022» ұйымдастыру комитетінің бас хатшысы Хан Цзыжун мәлім етті, деп хабарлайды ҚазАқпарат меншікті тілшісі.

Хан Цзычжун билеттері сату мәселесі қоғамды алаңдатып отырғанын мәлім етті. Коронавирустың таралуын болдырмау және халықаралық спорттық іс-шараға қатысушылардың қауіпсіздігін қамтамасыз ету үшін Олимпиада шетелдік жанкүйерлерсіз өтеді деген шешім қабылданды.

«Біз «ішкі көрермендер» үшін билеттер сату саясатын әзірлеу үстіндеміз. Дайын болғанда ресми каналдар арқылы белгіленген тәртіппен жариялаймыз», - деп атап өтті ол. «Бейжің-2022» ұйымдастыру комитетінің басшысы Халықаралық олимпиада комитетімен тығыз байланыста екенін және жергілікті жанкүйерлерге билеттер сату саясатын эпидемиологиялық жағдайға сәйкес анықтайтынын жеткізді. Бейжіңдегі қысқы Олимпиада 2022 жылдың 4-20 ақпаны аралығында өтеді.

Авторы Руслан Сүлейменов

Басты сөздер: Қытай, Олимпиада, Әлем, Спорт,
Жоғары қарай