Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Бейжіңде қысқы Олимпиада ойындары қарсаңында COVID-19-ға қарсы шаралар күшейтілді

2021 жылдың 25 желтоқсан 2021 14:03

БЕЙЖІҢ. ҚазАқпарат - Бейжің билігі Қытайдағы жаңа жыл мен қысқы Олимпиада ойындары қарсаңында COVID-19-дың алдын алу және бақылау шараларын күшейтуде. Бұл туралы жұма күні Бейжің қаласы үкіметінің ресми өкілі Сюй Хэцзянь мәлім етті, деп хабарлайды «ҚазАқпарат» ХАА тілшісі.

Сюй Хэцзянның айтуынша, Пекин әкімшілігі COVID-19-дың алдын алу және бақылау шараларын қайта қарап, тұрғындарды алдағы мерекелері – Жаңа жыл мен Көктем мерекесін ҚХР астанасында өткізуге шақырды. Жергілікті билік кәсіпорындарға алдағы мерекелер кезінде өз қызметкерлеріне икемді жұмыс кестесін енгізуді ұсынды. Отбасылық мерекелерді 10 адамға дейін шектеу, сондай-ақ Бейжіңде конференциялар мен оқу іс-шараларының өткізілуін қатаң бақылау туралы жарияланды. Саябақтар, мұражайлар, кітапханалар, кинотеатрлар және басқа да қоғамдық орындардың толуы 75% - дан аспауы тиіс.

Естеріңізге сала кетейік, өткен бейсенбіде 13 миллион халқы бар Сиань қаласында Қысқы Олимпиада ойындарының ашылуына 40 күн қалғанда локдаун енгізілді. 9 желтоқсаннан бастап Қытайдың осы мегаполисінде коронавирус инфекциясының 200-ден астам жағдайы анықталды.


Руслан Сүлейменов


Басты сөздер: Спорт, Олимпиада, Қытай,
Жоғары қарай