Ауа райы
Астана -1 °С
Алматы 8 °С
валюта бағамы
USD 421.58
EUR 496.83
RUB 5.53
CNY 62.20

Белгілі журналистер Несіп Жүнісбаев пен Зейін Әліпбек «Ауыл» партиясына қабылданды

2020 жылдың 23 қыркүйек 2020 12:44

НҰР-СҰЛТАН. ҚазАқпарат - «Ауыл» халықтық демократиялық патриоттық партиясының қатары бірнеше белгілі азаматпен толықты, деп хабарлайды ҚазАқпарат тілшісі.

Айта кетсек елордадағы Ұлттық-академиялық кітапханада «Ауыл» партиясының саяси кеңесінің отырысы өтіп жатыр. Отырыс барысында партияның «Ел аманаты» Жалпыұлттық сауалнамасын жүргізуі туралы мәселе қаралуда.

Саяси кеңестің жұмысын «Ауыл» партиясының төрағасы Әли Бектаев ашып, бұл жобаның партия үшін маңызын атап өтті.

«Ел аманаты» жалпыұлттық сауалнама жобасын бүгінгі таңда қоғам алдында тұрған аса маңызды әлеуметтік және экономикалық проблемаларды анықтау мақсатында ұсындық. Сауалнама барысында анықталған барлық проблема партия үшін халықтың аманаты болады. Оның қорытындысы біздің алдағы жұмысымыздың бағдары болып, «Ауыл» партиясы бағдарламасының негізіне айналады. Респонденттерден алынған жауаптың бір де бірі назардан тыс қалмай, билік органдарына жеткізіледі», - деді Әли Бектаев отырыс барысында.

Сонымен бірге отырыс барысында партия қатарына жаңа азаматтар қабылданды. Атап айтқанда, белгілі журналистер Несіп Жүнісбаев пен Зейін Әліпбек, «Іскерлікке демеу» қоғамдық қорының басшысы Анас Баққожаев «Ауыл» партиясының қатарына өтті.


Жоғары қарай