Ауа райы
Астана -11 °С
Алматы -7 °С
валюта бағамы
USD 421.58
EUR 496.83
RUB 5.53
CNY 62.20

Бельгия астанасында коменданттық сағат ұзартылады

2020 жылдың 19 қараша 2020 07:56

БРЮССЕЛЬ. ҚазАқпарат – Брюссель билігі коменданттық сағатты желтоқсан айының ортасына дейін ұзарту туралы шешім қабылдады, деп хабарлайды ҚазАқпарат.

Қазан айының соңында Брюссельде коронавирусқа шалдыққан адамдар санының күрт өсуіне байланысты сағат кешкі 22:00-ден таңғы 06:00-ге дейін тұрғындардың қозғалысына шектеу қойылған.

Бүгін Брюссель қалалық аймағының басшысы Руди Верворт коменданттық сағаттың 2020 жылғы 13 желтоқсанға дейін ұзартылатынын мәлімдеді.

«Брюссельде пандемия статистикасы әлі де алаңдаушылық тудыртып отыр», - деп атап өтті қала басшысы.

Бельгияның Sciensano ғылыми орталығының мәліметінше, 18 қарашада елорда аймағында КОВИД-19 вирусын жұқтырудың 400-ден астам жаңа оқиғасы тіркелді.

Бельгиялық Валлония да аймақтық коменданттық сағатты аталған күнге дейін ұзартқан.

Басты сөздер: Еуропа, Әлем, Коронавирус,
Жоғары қарай