Ауа райы
Астана 23 °С
Алматы 20 °С
валюта бағамы
USD 412.55
EUR 465.73
RUB 5.79
CNY 58.91

Батыс Қазақстанда қосымша шектеу шаралары күшейтіледі

2020 жылдың 30 наурыз 2020 21:22

ОРАЛ. ҚазАқпарат – Батыс Қазақстан облысында 31 наурыз күні сағат 00.00-ден бастап қосымша шектеу шаралары енгізіледі, деп хабарлайды ҚазАқпарат тілшісі.

БҚО бас мемлекеттік санитарлық дәрігері Мұхамғали Арыспаевтың брифингіде мәлім еткеніндей, коронавирустың таралуына тосқауыл қою мақсатында қосымша шектеу шаралары қабылданып отыр.

Өңірдің барлық қала, аудандар мен елді мекендерінде тұрғындардың жүріп-тұруы шектеледі.

Сонымен қатар азық-түлік дүкендерінен басқа барлық қызмет көрсетуші орындар (салондар, қонақүйлер) жабылады. Бірқатар банктер қызметін тоқтатады немесе жартылай жұмыс істеуге көшеді.

«Барлық қоғамдық орындарда, әсіресе, тамақ сататын базар, дүкендер аумағында, көшелерде, тұрғын үйлер ауласында дезинфекциялық шаралар күшейтіледі», - деді М.Арыспаев.

Қалада қоғамдық көліктердің кестесіне өзгеріс енгізіліп, автобустар барлық санитарлық-эпидемиологиялық талаптарды сақтай отырып, таңғы 06.00-ден кешкі 19.00-ге қатынайды.

Еске сала кетейік, бұдан бұрын БҚО-да науқастың жеке мәліметтерінің таралуына байланысты қылмыстық іс қозғалды. Сондай-ақ өңірде коронавирусқа қатысты 92 адам карантинде жатыр. Сондай-ақ, карантиннен қашқан бір адамға айыппұл салынды.


Жоғары қарай