Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Батыс Қазақстанда ауыл тұрғыны танысын пышақтап өлтірді

2021 жылдың 22 қараша 2021 18:50

ОРАЛ. ҚазАқпарат – Батыс Қазақстан облысында ауыл тұрғыны танысын пышақтап өлтірді, деп хабарлайды ҚазАқпарат тілшісі.

БҚО полиция департаментінің баспасөз қызметі мәлім еткеніндей, оқиға Шыңғырлау ауданы Ақбұлақ ауылында болды.

Шаруа қожалықтарының бірінде жұмыс істейтін екі тұрғын бірге арақ ішкен. Соның барысында бір-бірімен сөзге келіп, 32 жастағы күдікті өзінен екі жас үлкен танысының басына бірнеше рет пышақ жұмсаған. Салдарынан 34 жастағы ер адам оқиға орнында көз жұмды.

Қазіргі кезде ҚР ҚК 99-бабы 1-бөлігіне (адам өлтіру) сәйкес сотқа дейінгі тергеу амалдары жүргізілуде.

Еске сала кетейік, бұдан бұрын Батыс Қазақстанда екі жүргізушінің мас күйінде жол апатына ұшырағанын жазған болатынбыз.



Жоғары қарай