Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Батыс Қазақстанда 40 мыңнан астам адам тұмауға қарсы екпе салдырды

2021 жылдың 22 қазан 2021 14:48

ОРАЛ. ҚазАқпарат - Батыс Қазақстан облысында 40 244 адам тұмауға қарсы екпе салдырды, деп хабарлайды ҚазАқпарат тілшісі.

БҚО санитарлық-эпидемиологиялық бақылау департаменті басшысының орынбасары Нұрлыбек Мұстаевтың мәлім еткеніндей, соның тең жартысынан астамы, яғни 21 590-ы - созылмалы сырқаты бар адамдар.

Егілгендердің 34 584-і ересек адамдар болса, 5660-ы - 14 жасқа дейінгі балалар.

Соның ішінде 5320 медицина қызметкері, 856 жүкті әйел бар. Сондай-ақ 1020-сы - 15 жастан асқан оқушылар. Жабық мекемелерде (бөбектер үйі, балалар үйі, мектеп-интернат, мүгедек балаларға арналған интернат) 72, мүгедектер мен қарттар үйінде 1262 адам егілді.

«Вакцинация - тұмаудың алдын алудың ең тиімді әдісі. Сондықтан жыл сайын облыста тұрғындардың 10 пайыздан астамы тұмауға қарсы екпе алады. Жоспарлы егу жұмыстары жалғасуда», - деді Н.Мұстаев.

Еске сала кетейік, бұдан бұрын БҚО-да 230-ға жуық оқушыдан коронавирус анықталғанын, бір аптада жедел жәрдемге 6 мыңға жуық қоңырау шалынғанын жазған болатынбыз.



Жоғары қарай