Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Батырхан Шүкеновке арналған ескерткіштің эскиздері жарияланды

2021 жылдың 18 мамыр 2021 10:24

НҰР-СҰЛТАН. ҚазАқпарат – Нұр-Сұлтан әкімдігі жариялаған Батырхан Шүкенов ескерткішінің үздік эскиз-идеясына арналған байқау мамыр айының соңына дейін жалғасады. Алғашқы эскиздер пайда болды, онда композитор әртүрлі вариацияларда, соның ішінде сүйікті музыкалық аспабы — саксофонмен бейнеленген, деп хабарлайды елорда әкімдігі.

Эскиздер бойынша ұсыныстарды Birge платформасында — оң жағындағы төменгі бұрышта «Кері байланыс» арқылы, сондай-ақ centerofurbanism@gmail.com поштасына жіберуге болады.

Қалалық саябақта әнші және композитор Батырхан Шүкеновке ескерткіш орнату жоспарлануда. Жоба демеушілік қаражат есебінен жүзеге асырылады.

Бүгін, яғни 18 мамырда композитор 59 жасқа толар еді. Оның қайтыс болғаны туралы хабар бүкіл елді, миллиондаған тыңдарманын есеңгіретіп жіберді.







Көрнекті әнші және композитор Батырхан Шүкенов 1962 жылы 18 мамырда дүниеге келген. Ол 2015 жылы 28 сәуірде қайтыс болды. Бұған дейін Батырхан Шүкенов ескерткішінің эскиз-идеясына байқау жарияланғаны туралы хабарлаған болатынбыз.



Басты сөздер: Нұр-Сұлтан, Мәдениет,
Жоғары қарай