Ауа райы
Астана -18 °С
Алматы -8 °С
валюта бағамы
USD 386.44
EUR 428.37
RUB 6.06
CNY 54.93

Баскетбол: «Астана» Қазанда УНИКС-тен басым түсті

2019 жылдың 3 наурыз 2019 11:52

АСТАНА. ҚазАқпарат - «Астана» президенттік баскетбол клубы сырт алаңда ресейлік УНИКС командасынан 98:95 (21:22, 25:25, 26:20, 26:28) есебімен басым түсті, деп хабарлайды «ҚазАқпарат» «Астана» ПБК баспасөз қызметіне сілтемемен.

УНИКС (14-3) ЦСКА-мен бірінші орынға таласып жатыр, «Астана» (11-6) да көшбасшылар қатарында. Жеңіске жеткен жағдайда қазақстандық клуб «Химкимен» теңесіп қалар еді.

Ойынның бірінші бөлігі Эмиль Райковичтің командасы турнирлік кестеде жоғары сатыда кездейсоқ тұрмағанын көрсетті. Қарсыластар бір-бірін алысқа ұзатпай, тең өнер көрсетіп жатты. Үзіліске бір жарым минут қалғанда Энтони Клеммонстың алыстан лақтырған добының арқасында «Астана» алты ұпай алға шықты - 46:40.

Қонақтардың басымдығы ұзаққа созылмады. Одан әрі қазандықтар қарсыласына еш мүмкіндік бермей, қатарынан жеті ұпай еншіледі. Төрешінің ысқырығымен қатар Трент Локеттің дәл соққысы УНИКСті есепте алға шығарды - 47:46.

Үзілістен кейін ойын өрнегі өзгерген жоқ. Ойын аяғына таяу есеп - 79:79 болды.

Соңғы минуттарда ақпан айының үздік ойыншысы атанған Пьеррия Хенри УНИКС ойынының тізгінін өз қолына алды. Қорғаушы 9 ұпай жинап, қазандықтарды есепте алға шығарды (матчтың аяқталуына дейін бір жарым минут қалғанда есеп 91:84 болды).

Бірақ шешуші сөз Майкл Дженкинс пен «Астана» қорғанысында қалды. Қорғаушы 8 ұпай жинады, оның ішінде маңызды 3 ұпайлық та бар (ойынның аяқталуына 33 секунд қалғандағы есеп - 92:91). Ал қонақтардың қорғанысы алаң иелерінің шабуылшыларына еш мүмкіндік бермей, нәтижесінде олар небәрі 4 ұпай еншіледі. Шешуші сәтте қазақстандықтар сызық бойынан допты дөп түсіріп, 98:95 есебімен басым түсті.

Осылайша, «Астана» маусымдағы 12-жеңісіне қол жеткізіп, «Химкимен» теңесті. Қазақстан чемпиондары клуб тарихындағы үздік нәтижені (13) қайталауға бір қадам жақындады.

Басты сөздер: Спорт, Ресей,
Жоғары қарай