Ауа райы
Астана 15 °С
Алматы 23 °С
валюта бағамы
USD 412.55
EUR 468.66
RUB 5.79
CNY 58.80

Бас прокуратура Бағдат Манзоровқа қатысты іске түсініктеме берді

2019 жылдың 30 қазан 2019 11:47

НҰР-СҰЛТАН. ҚазАқпарат – ҚР Бас прокурорының орынбасары Марат Ахметжанов Алматы облысы әкімінің орынбасары Бағдат Манзоровқа қатысты қылмыстық істің жабылауына байланысты түсініктеме берді, деп хабарлайды ҚазАқпарат тілшісі.

«Қылмыстық жағдайдың болмауына орай оған қатысты қылмыстық іс тоқтатылды. Осы істі қозғаған және оны тергеген органға ұсыным енгізілді. Атап айтқанда, аталған адамға қатысты қылмыстық іс тоқтатылғанын ресми түрде мәлімдеймін», - деді Марат Ахметжанов Парламент Мәжілісінде тілшілер сауалына жауап бере отырып.

Оның айтуынша, Бас прокурор Сыбайлас жемқорлыққа қарсы күрес қызметі органдарына заңдылықты бұзуға жол берген қызметкерлерді тәртіптік жауапкершілікке тарту туралы ұсынымды енгізді.

Еске салсақ, Алматы облысы әкімінің орынбасары Бағдат Манзоров ұсталғаны туралы бұған дейін хабарлаған болатынбыз. Сондай-ақ, Агенттік оған қандай айып тағылғанын айтты.

Жоғары қарай