Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Банктер 4 пайыздық автонесие өтінімін алатын көліктің VIN-коды бойынша ғана қабылдайды

2022 жылдың 16 мамыр 2022 11:50

НҰР-СҰЛТАН. ҚазАқпарат – Банктер 4 пайыздық автонесие өтінімін алатын көліктің VIN-коды бойынша ғана қабылдайды. Мұндай мәліметті «Өнеркәсіпті дамыту қоры» акционерлік қоғамының өкілдері арнайы брифингіде айтты, деп хабарлайды ҚазАқпарат тілшісі.

«Бұл автонесиенің тағы бір назар аударуға тұрарлық мән-жайы бар. Бағдарлама шарты бойынша диллерлер есепшотты дайын автокөліктерге ғана береді. Яғни, есепшотта автокөліктің VIN-коды мен құны көрсетіледі. Содан кейін банктер осы берілген есепшот бойынша өздерінің тұрақты кепілдерін беріп, іске асыра береді», - деді «Өнеркәсіпті дамыту қоры» акционерлік қоғамының басқарма басшысы Ғалымжан Әди.

Қордың басқарма төрағасының орынбасары Ринат Гаппаровтың айтуынша, бұл әлі өндірілмеген көлікке кезек қалыптаспауы үшін қажет.

«Банктер өтінімдерді есеп айырысу шотында VIN-код көрсетілген жағдайда ғана қабылдайды. Яғни, банктер автосалонда бар көліктерге ғана өтінім қабылдайды деген сөз. Бұл ұзынсонар кезектің ұзақ мерзімге созылып кетпеуі үшін жасалып отыр. Несие алуға үміткер адам автомобильді таңдамай тұрып несие рәсімдей алмайды. Бұл өте маңызды мәселе», - деді ол.

Айта кетейік, бүгін Қазақстанда 4 пайыздық жеңілдетілген автонесие беру басталды.



Автор Есімжан Нақтыбай
Басты сөздер: Несие, Банктер, Көлік,
Жоғары қарай