Ауа райы
Астана 14 °С
Алматы 17 °С
валюта бағамы
USD 412.55
EUR 468.66
RUB 5.79
CNY 58.80

Балалардың мүгедектік анықтамасын енді Egov.kz порталынан алуға болады

2020 жылдың 17 қаңтар 2020 12:40

НҰР-СҰЛТАН. ҚазАқпарат - Egov.kz порталында 18 жасқа дейінгі балаларға арналған мүгедектікті растаудың онлайн қызметі қолжетімді, деп хабарлайды ҚазАқпарат «Еңбек ресурстарын дамыту орталығы» АҚ баспасөз қызметіне сілтеме жасап.

«Еңбек ресурстарын дамыту орталығы» АҚ ерекше қажеттілігі бар балалардың ата-аналарына «Азаматтарға арналған үкімет» мемлекеттік корпорациясы» КЕАҚ халыққа қызмет көрсеті орталықтарына бармай, 18 жасқа дейінгі баланың мүгедектігі туралы ақпаратты онлайн алуға мүмкіндік берді.

Жаңа қызмет egov.kz электрондық үкімет порталының «Әлеуметтік қамсыздандыру» – «Мүгедектерді қолдау» бөлімінде қолжетімді. Жаңа функцияны ЭЦҚ немесе бір реттік пароль көмегімен пайдалануға болады.

«Бұрын портал арқылы мүгедектікті растайтын құжатты ересектер ғана ала алатын, ал мүгедектігі бар кәмелетке толмаған баланың ата-аналары растау алу үшін халыққа қызмет көрсету орталықтарына баратын. Жаңа қызмет бұл процесті едәуір жеңілдетеді және жеделдетеді », – дейді ЕРДО Мүгедектікті белгілеу және әлеуметтік қызметтерді көрсету бойынша АЖ дамыту және сүйемелдеу департаментінің директоры Серік Тоғызбай.


Жоғары қарай