Ауа райы
Астана 19 °С
Алматы 14 °С
валюта бағамы
USD 412.55
EUR 468.66
RUB 5.79
CNY 58.80

Балалар Ясауи жайлы аңыздар топтамасымен онлайнда таныса алады

2020 жылдың 5 тамыз 2020 22:24

ТҮРКІСТАН. ҚазАқпарат - «Әзірет Сұлтан» музейі Ясауи жайлы аңыздардың балаларға арналған топтамасын онлайн ұсынды, деп хабарлайды ҚазАқпарат мекеменің баспасөз қызметіне сілтеме жасап.

ҚР Мәдениет және спорт министрлігінің «Әзірет Сұлтан» мемлекеттік тарихи-мәдени қорық-музейі карантин режиміне қызметін онлайнда жүргізіп келеді. Осы орайда мекеме балалардың жазғы демалысын тиімді пайдаланып, аңыз-әңгіме мен тарихи деректерді кеңінен насихаттау, тарихи орындар мен тұлғалар жайлы тереңірек танып-білуге шақыру мақсатында аңыз-әңгімелер топтамасын балаларға ұсынуды қолға алды.

Тарихи-мәдени қорық-музейі жинақтаған «100 аңыз» кітабындағы аңыз-әңгімелер арқылы Қожа Ахмет Ясауидің балалық шағы, ұстаздары мен шәкірттері, өмірлік жолы мен өнегесі, тарихи орындар мен тұлғалар жайлы бейне көрсетілімдер анимация және деректі фильмдер мен графикалық суреттерді құрастыра отырып сипаттайтын болады.

Балаларға арналған аңыз-әңгімелер «Әзірет Сұлтан» мемлекеттік тарихи-мәдени қорық-музейінің Facebook-тегі, Youtube-тегі парақшасында, сайтында жарияланады.

Айта кетсек, наурыз айынан бері елімізге белгілі зерттеуші, ғалымдар мен тарихшылар, археологтер және реставраторлардың қатысуымен тарихи-танымдық бағытта онлайн дәрістер мен кездесу, көрме және «Бір жәдігер - Бір тарих» атты бейнешолуы, киелі орындарға бейнесапар, «Экскурсовод сағаты» сынды көптеген бағыттар аясында музейдің тыныс-тіршілігі үздіксіз ақпараттандырылып келеді.


Жоғары қарай