Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Азық-түліктің ең қымбат бағасы Нұр-Сұлтанда тіркелді

2020 жылдың 10 желтоқсан 2020 11:58

НҰР-СҰЛТАН. ҚазАқпарат – Нұр-Сұлтан қаласы мен Павлодар және Атырау облыстарында азық-түліктің ең қымбат бағасы тіркелді.

Бұл туралы ҚР Сауда және интеграция министрі Бақыт Сұлтанов мәлім етті, деп хабарлайды ҚазАқпарат.

«Жыл басынан бері бағаның ең жоғары өсімі Нұр-Сұлтан қаласында (15,6%), Павлодар (15,4%) және Атырау облыстарында (12,9%) тіркелді. Әлеуметтік маңызы бар тауарлардың 19 түрі бар тізімінің сегізі бойынша бағаның 10%-тен 30%-ке дейін едәуір өсуі байқалады. Қант пен қарақұмық жармасы сияқты импортқа тәуелді тауарлардың бағасы қарқынды өсті. Оған жыл ішінде валюта бағамының және әлемдік бағаның өсуі себеп болды. Қант пен қарақұмық негізінен Ресейден импортталады, сәйкесінше тауарлар 33,6% және 34,6%-ке қымбаттады», - деді Бақыт Сұлтанов Үкіметтің бүгінгі отырысында.

Сонымен бірге, экспортқа бағдарланған кейбір тауарлар да қымбаттады.

«Күнбағыс майы әлемдік бағаның 53,8%-ке, картоп экспорттың 46,1%-ке өсуіне байланысты қымбаттады. Тауық санының азаюы мен өндірістің 6,3%-ке төмендеуі салдарынан жұмыртқаның бағасы өсті. Аталған бес тауардың қымбаттауы азық-түлік инфляциясының жалпы мөлшерінде маңызды рөл атқарды. Оларды есепке алмағанда бағаның жалпы өсімі ағымдағы 9,6%-тің орнына шамамен 2%-ті құрар еді», - деп түсіндірді министр.


Жоғары қарай