Ауа райы
Астана 14 °С
Алматы 20 °С
валюта бағамы
USD 412.55
EUR 468.66
RUB 5.79
CNY 58.80

Әзербайжанда коронавирус инфекциясынан екі адам қайтыс болды

2020 жылдың 6 сәуір 2020 10:01

БАКУ. АЗЕРТАДЖ-ҚазАқпарат – Әзербайжан Республикасында COVİD-19 коронавирус инфекциясын жұқтырған екі адам көз жұмды. Бұл туралы елдің Министрлер кабинеті жанындағы Жедел штаб мәлім етті, деп хабарлайды ҚазАқпарат АЗЕРТАДЖ агенттігіне сілтеме жасап.

Жедел штаб хабарламасында Әзербайжан Республикасының 1931 жылы туған азаматы қант диабетімен ауырғаны көрсетілген. Ал қайтыс болған екінші адам - 1956 жылы туған ӘР азаматы, жүректің ишемиялық ауруымен, артериялық гипертензиямен және қант диабетімен ауырған.

Олардың COVID-19-ға тестілері оң нәтиже көрсеткен. Науқастардың денсаулығын тұрақтандыруға арналған реанимациялық шаралар нәтиже бермеген.

Қазіргі уақытта қайтыс болған пациенттердің отбасы мүшелері, сондай-ақ олармен байланыста болған адамдар анықталып, карантинге алынды.


Басты сөздер: Коронавирус, Әзербайжан, Әлем,
Жоғары қарай