Ауа райы
Астана 6 °С
Алматы 9 °С
валюта бағамы
USD 421.58
EUR 496.83
RUB 5.53
CNY 62.20

«Аяла» қоры Ақтөбе облыстық балалар ауруханасына екі аппарат сыйлады

2020 жылдың 7 тамыз 2020 21:09

АҚТӨБЕ. ҚазАқпарат – «Аяла» қайырымдылық қоры облыстық балалар ауруханасына шақалақтардың өмірін сақтайтын инкубатор сыйлады, деп хабарлайды ҚазАқпарат тілшісі.

Қайырымдылық қор тарту еткен инкубатор айы, күні жетпей өмірге келгендер үшін ең қауіпсіз аппарат. Мұнда бала оқшауланып, салмақ жинайды. Сондай-ақ қор туа бітті бауыры бүлініп, терісі сарғайған сәбилердің еміне арнайы шамды тарту етті. Екі құрылғыны сатып алуға 7 миллион теңгеден астам қаржысын жұмсалды.

«Аяла» қоры біздің ауруханамыздың жансақтау бөліміне инкубатор, фототерапия аппаратын берді. Бірі туа бітті ауруға шалдығып, ота жасалған балалар үшін аса қажет. Екіншісі сәби терісінің сарғыштығын жоюға көмектеседі», - деді облыстық балалар ауруханасының реаниматолог-дәрігері Толқын Серғазина.

Айта кетейік, Ақтөбе медициналық орталығының балалар ауруханасында жылына 80 мыңнан астам бала медициналық тексеруден өтеді. Оның 12 мыңнан астамы жатып ем қабылдайды.


Жоғары қарай