Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Австралияда 5,9 балдық жер сілкінісі тіркелді

2021 жылдың 22 қыркүйек 2021 13:00

НҰР-СҰЛТАН. ҚазАқпарат – Сәрсенбі күні Австралияның оңтүстік бөлігіндегі Мельбурн қаласының маңында 5,9 балдық жер сілкінісі тіркелді, деп хабарлайды ҚазАқпарат CNN ақпарат агенттігіне сілтеме жасап.

Австралияның Виктория штатының Төтенше жағдайлар жөніндегі мемлекеттік қызметі Twitter-дегі аккаунтында зілзала ошағының Виктория штатының Мансфилд ауылдық қалашығына жақын жерде орналасқанын хабарлады.
Жер сілкінісі салдарынан кем дегенде бір ғимарат зардап шегіп, Мельбурннің орталық іскерлік ауданындағы электр желілері бүлінген. Зардап шеккен адамдар туралы мәлімет келіп түскен жоқ.
Жерасты дүмпулері сондай-ақ Оңтүстік Австралияның Аделаида қаласында (зілзала ошағынан 800 шақырым) және Жаңа Оңтүстік Уэльс штатындағы Сиднейде (зілзала ошағынан 900 шақырым жерде) сезілді.


Басты сөздер: Жер сілкінісі, Әлем,
Жоғары қарай