Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Ауғанстаннан Кореяға эвакуацияланған 85 оқушы жергілікті мектептерде оқитын болды

2022 жылдың 21 наурыз 2022 21:44

УЛСАН. YONHAP-ҚазАқпарат - Өткен жылы тәліптерден қашып Оңтүстік Кореяны паналаған ондаған ауғандық мектеп оқушысы дүйсенбі күні елдің оңтүстік-шығысындағы Ульсан қаласындағы жергілікті мектептерге барды. Бұл туралы ҚазАқпарат YONHAP агенттігіне сілтеме жасап хабарлайды.

Өткен жылдың тамыз айында Оңтүстік Корея 391 ауған қызметкерін және олардың отбасыларын ұшақ арқылы әкелген болатын. Өткен айда 29 отбасы Сеулден оңтүстік-шығысқа қарай 415 шақырым жерде орналасқан Ульсан қаласына қоныстанды.

Улсан қалалық білім басқармасының мәліметі бойынша, барлығы 85 оқушы - 16 мектеп жасына дейінгі, 28 бастауыш сынып оқушысы, 19 орта мектеп оқушысы және 22 жоғары сынып оқушысы жергілікті мектептерге алғаш рет барды.

Балалар үш арнайы сыныпқа бөлініп, оқушының үлгерім деңгейіне қарай алты айдан 12 айға дейін корей тілі мен мәдениетінен сабақ алатын болды.


Жоғары қарай