Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атыраулық полицейлер мемлекетаралық іздеудегі Өзбекстан азаматын ұстады

2021 жылдың 16 маусым 2021 08:57

АТЫРАУ. ҚазАқпарат – Атыраулық полицейлер мемлекетаралық іздеудегі Өзбекстан азаматын ұстады, деп хабарлайды ҚазАқпарат.

Облыстық Полиция департаменті баспасөз қызметінен мәлім еткендей, 15 маусымда «Мигрант» жедел алдын алу іс-шарасы кезінде мемлекетаралық іздеудегі өзбекстандық азамат ұсталған.

«Атырау қалалық полиция басқармасының қызметкерлері 1994 жылы туған Өзбекстан Республикасының азаматын ұстады. Оған Қарақалпақстан Республикасы Ішкі істер министрлігімен 2016 жылғы 1 қаңтарда Қылмыстық Кодекстің 223-бабының 2-бөлігімен (шетелге заңсыз шығу немесе Өзбекстан Республикасына заңсыз кіру) қылмыс жасағаны үшін мемлекетаралық іздеу жарияланғаны анықталды. Қазір шетелдік азаматты Өзбекстан Республикасына экстрадициялау мәселесі қарастырылып жатыр» -деп хабарлады департаменттің баспасөз қызметі.

Еске сала кетелік, бұған дейін Атырауда халықаралық іздеуде жүрген Өзбекстан азаматы ұсталған болатын.


Жоғары қарай