Ауа райы
Астана -12 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

Атырауға шетелден ұшып келген 37 жолаушыда ПТР анықтама жоқ болып шықты

2020 жылдың 26 қазан 2020 17:00

АТЫРАУ. ҚазАқпарат - Шетелден Атырауға ұшып келген 37 қазақстандықтың коронавирустың жоқ екенін растайтын ПТР анықтамасы жоқ болып шықты, деп хабарлайды ҚазАқпарат тілшісі.

Атырау облыстық тауарлар мен көрсетілетін қызметтердің сапасы мен қауіпсіздігін бақылау департаментінің мәліметінше, Атырауға 20-25 қазан аралығында шетелден Ыстанбұл-Атырау, Ташкент-Атырау, Амстердам-Атырау бағытында 4 әуе рейсі ұшып келген.

«Халықаралық әуе рейсімен барлығы 456 адам жеткізілді», - деп хабарлайды Атырау облыстық денсаулық сақтау басқармасының баспасөз қызметі.

Әуе рейсімен келген жолаушылардың арасында шетелдіктер жоқ, барлығы - қазақстандықтар. Оның 37-сінде COVID-19-ға ПТР-тест қорытындысы болмағандықтан карантин стационарына жатқызылған.

Жолаушылардан коронавирус жұқпасына сынама алынды, қорытындысы теріс болып шықты. Ешқайсысынан қауіпті инфекция анықталмағандықтан үйлеріне жіберілді.


Автор Бек Мұстафа
Басты сөздер: Атырау облысы, Көлік,
Жоғары қарай