Ауа райы
Астана 5 °С
Алматы 9 °С
валюта бағамы
USD 421.58
EUR 496.83
RUB 5.53
CNY 62.20

Атыраудың кіреберісіне 4 мобильді бекет қойылған

2020 жылдың 31 шілде 2020 15:54

АТЫРАУ. ҚазАқпарат –Атырау қаласының полицейлері Құрбан айт кезінде карантин шараларының сақталуын қадағалауда, деп хабарлайды ҚазАқпарат.

Облыстық Полиция департаменті баспасөз қызметінің ақпаратына қарағанда, құрбандыққа шалынатын ірі және уақ малды Атырау қаласына кіргізбеу үшін «Атырау-Астрахань», «Атырау-Орал», «Атырау-Доссор», «Атырау-Индер» бағытына қатынайтын жол бойындағы Қараөзек, Береке, Ақжар ауылдары мен телемұнара тұсында мобильді

бекеттер қойылған. Сондай-ақ, мұндай мобильді бекет Батыс Қазақстан облысымен шекарадағы Аққала елді мекенінің тұсында да бар.

«Азаматтарды облыс аумағында коронавирустық инфекцияның таралуын, жұқтыру фактілерін азайтуға бағытталған шектеулерді, Құрбан айт мерекесі күндері іс-шараларды өткізуге тыйым салу туралы қаулы талаптарын орындауға шақырамыз. Бұған дейін жарияланған індет жағдайында құрбандық шалу алгоритмін сақтаған дұрыс», - деп атап өтті Атырау облыстық полиция департаментінің бастығы Қамза Үмбетқалиев.

Еске сала кетелік, бұған дейін атыраулықтар құрбан шалу үшін 51 қой, 40 тоқты және 6 ешкіге тапсырыс бергенін хабарлаған болатынбыз.



Жоғары қарай