Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырауда жыл басынан бері 364 млн теңге жалақы қарызы өндірілді

2021 жылдың 26 тамыз 2021 21:51

АТЫРАУ. ҚазАқпарат – Атырауда жыл басынан бері 364 млн теңге жалақы қарызы өндірілді, деп хабарлайды ҚазАқпарат.

Облыстық мемлекеттік еңбек инспекциясы басқармасының басшысы Игілік Әубәкіровтің

мәліметінше, жыл басынан бері 1 мыңға жуық жұмысшының құқығы қорғалған.

«Біздің басқармаға түсетін өтініштердің басым бөлігі жалақыны уақытында төлемеу, еңбек шартын сақтамау, сондай-ақ, заңсыз жұмыстан босату мәселесіне қатысты болып отыр. Мұндай бұзушылықтар жұмыс берушілердің еңбек заңнамасын елемеуінен, лауазымды тұлғалардың немқұрайдылығымен байланысты екені даусыз. Жыл басынан бері жұмысшылардың пайдасына 364 млн теңге жалақы қарызы өндірілді. Ал компаниялар мен мердігер ұйымдарға 9 млн теңгеге жуық айыппұл салынды» -дейді Игілік Әубәкіров.

Еске сала кетелік, бұған дейін Атырауда 1 мыңнан астам жұмысшының 263,8 млн теңге жалақы қарызы өтелген болатын.


Жоғары қарай