Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырауда токқа түскен 10 жасар бала көз жұмды

2021 жылдың 30 қазан 2021 22:25

АТЫРАУ. ҚазАқпарат – Атырауда токқа түскен 10 жасар бала көз жұмды, деп хабарлайды ҚазАқпарат.

Облыстық полиция департаменті баспасөз қызметінің ақпаратына сүйенсек, қайғылы оқиға кеше 30 қазанда болған.

«Полицияға 1953 жылғы азаматтан сағат 15:00 шамасында немересінің токқа түскені туралы хабар түскен. Кейін 10 жасар баланың ойнап жүріп, тоңазытқыштың артына тығылғаны анықталды. Сол кезде токқа түсіп қалған», - деп хабарлады департаменттің баспасөз қызметі.

Облыстық денсаулық сақтау басқармасының баспасөз қызметінен мәлім еткендей, жедел жәрдем қызметіне сағат 14:45-те хабар берілген. Жедел жәрдем бригадасы сағат 14:51-де жеткен. Жасөспірім жедел жәрдем бригадасы келгенге дейін көз жұмған.

Қазір аталған дерекке қатысты тексеру жүріп жатыр.

Еске сала кетелік, бұған дейін Атырауда Жайық жағасынан әйелдің денесі табылғанын хабарлаған едік.


Автор Бек Мұстафа
Басты сөздер: ҚР ІІМ, Оқиға, Атырау облысы,
Жоғары қарай