Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырауда анасын ұрған ер адам 10 күнге қамалды

2021 жылдың 14 мамыр 2021 02:12

АТЫРАУ. ҚазАқпарат – Атырауда анасын ұрған ер адам 10 күнге қамалды, деп хабарлайды ҚазАқпарат.

Облыстық полиция департаменті баспасөз қызметінің ақпаратына қарағанда, 46 жастағы ер адам ішкілікке салынған.

«Егде жастағы әйелден «102» операторына баласының мас күйінде отбасылық жанжал шығарғаны туралы хабар түсті. Ішкілікке салынған ер адам үйінің терезесін сындырып, анасын ұрып-соққан. Ер адам ішімдік ішуін тоқтатпаған. Егде жастағы анасымен бірнеше рет жанжалдас. Анасына психологиялық және физикалық жәбір көрсеткен» -деп хабарлады департаменттің баспасөз қызметі.

Учаскелік полиция инспекторы анасын ұрған азаматқа қатысты ҚР Әкімшілік құқықбұзушылық туралы Кодексінің 73-бабы, 2-бөлігімен (Ұрып соғу) әкімшілік хаттама толтырған. Мамандандырылған қалалық соттың шешімімен ер адам 10 тәулікке қамауға алынды.

Еске сала кетелік, бұдан бұрын Атырауда балаларының көзінше ішімдік ішкен әйелдің құқығы шектелетінін хабарлаған болатынбыз.




Автор Бек Мұстафа
Басты сөздер: Оқиға, Атырау облысы,
Жоғары қарай