Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырауда алтыншы қабаттан құлаған 5 жасар қыз ауруханада көз жұмды

2021 жылдың 20 қазан 2021 19:08

АТЫРАУ. ҚазАқпарат – Атырауда 6-қабаттан құлаған 5 жасар қыз ауруханада көз жұмды, деп хабарлайды ҚазАқпарат.

Облыстық денсаулық сақтау басқармасының баспасөз қызметінен мәлім еткендей, бүгін, 20 қазанда сағат 15:05-те жедел жәрдемге шақырту түскен.

«Бүгін облыстық балалар ауруханасына Атырау қаласындағы «Нұрсая» шағын ауданында орналасқан тұрғын үйдің 6-қабатынан құлаған 5 жасар қыз жеткізілді. Жансақтау бөліміне түскенде оның жағдайы өте ауыр болды. Науқаста жабық бас-ми жарақаты болған. Жамбасы сынған, ішкі ағзасы зақымданған. Дәрігерлер 5 жасар қыздың өмірін сақтап қалу үшін емдеу шараларын жүргізді. Алайда, ауыр жарақат алған науқас жансақтау бөлімінде көз жұмды» -деп хабарлады басқарманың баспасөз қызметі.

Еске сала кетелік, бұдан бұрын Атырауда 1 жасар егіз балалар үшінші қабаттан құлап кеткен болатын.


Автор Бек Мұстафа
Басты сөздер: Оқиға, Атырау облысы,
Жоғары қарай