Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырау облысындағы атыс: Оқ тиіп жараланғандардың жағдайы қалай

2021 жылдың 31 қазан 2021 13:24

АТЫРАУ. ҚазАқпарат – Дәрігерлер Атырау облысындағы ауылда болған атыстан жарақат алғандардың жағдайы туралы айтты, деп хабарлайды ҚазАқпарат.

Бұдан бұрын Атырау облысы Қызылқоға ауданының Сағыз ауылында атыс болып, 6 адам зардап шеккенін хабарлаған болатынбыз.

«Атырау-Ақтөбе» тасжолының 331-шақырымында жастар бір-біріне оқ атқан.

Кейіннен атыста жараланған бір адам ауруханада қайтыс болды .

Атырау облыстық денсаулық сақтау басқармасының баспасөз қызметінен мәлім еткендей, жарақат алғандардың біреуі үйіне жіберілген.

«Бір ер адам Мақат аудандық ауруханасына жеткізілді. Оның жағдайы тұрақты, өміріне төніп тұрған қауіп жоқ. Қазір ем-дом алып жатыр. Ал үш адам түрлі жарақаттармен облыстық ауруханаға жатқызылды. Олар аурухананың травматология бөлімшесінде дәрігерлердің бақылауына алынды», -деп хабарлады басқарманың баспасөз қызметі.


Автор Бек Мұстафа
Басты сөздер: Оқиға, Заң, Атырау облысы,
Жоғары қарай