Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырау облысында жүк көлігінің жанармай багы жанып кетті

2021 жылдың 20 қазан 2021 19:40

АТЫРАУ. ҚазАқпарат – Атырау облысында жүк көлігінің жанармай бағы жанып кетті, деп хабарлайды ҚазАқпарат.

Облыстық төтенше жағдайлар департаменті баспасөз қызметінің мәліметіне сүйенсек, №2 Мақат аудандық өрт сөндіру бөліміне сағат 14:43-те жүк көлігінің өртенгені туралы хабар түскен.

«Өрт сөндірушілер «Доссор-Құлсары» тасжолының жиегінде «MАЗ» маркалы жүк көлігінің жанып жатқанын анықтады. Атырау облысының Құрманғазы ауданындағы «Ағатай-Газ» ЖШС-не тиесілі 2014 жылы шығарылған жүк көлігі Маңғыстау облысының Бейнеу ауданына бағыт алған. Көліктің жартылай тіркемесіне бос қазан тиелген. Жалынның салдарынан жүк көлігінің 8 дана дөңгелегі, 2 дана аккумуляторы мен жанармай багы өртеніп кетті», -деп хабарлады департаменттің баспасөз қызметі.

Жүк көлігін шарпыған өрт сағат 15:11-де оқшауланып, 3 минуттан соң толық сөндірілді. Өртті сөндіруге 4 қызметкер мен 1 арнаулы техника жұмылдырылды.

Қазір өрттің себебі анықталып жатыр.

Еске сала кетелік, бұған дейін Атырауда көпқабатты тұрғын үйден өрт шыққанын хабарлаған болатынбыз.








Автор Бек Мұстафа
Басты сөздер: Оқиға, Көлік, Атырау облысы, Жол,
Жоғары қарай