Ауа райы
Астана 18 °С
Алматы 24 °С
валюта бағамы
USD 412.55
EUR 468.66
RUB 5.79
CNY 58.80

Атырау облысынан Сенат депутаттығына 5 үміткер ұсынылды

2020 жылдың 14 шілде 2020 16:50

АТЫРАУ. ҚазАқпарат - Атырау өңірінен сайлауға түскен кандидаттардың біреуін - облыстық мәслихат ұсынса, төртеуі - өзін-өзі ұсынған азаматтар, деп хабарлайды ҚазАқпарат Атырау облыстық коммуникациялар қызметіне сілтеме жасап.

Бұл туралы ӨКҚ-нің баспасөз орталығында өткен онлайн-брифингте облыстық аумақтық сайлау комиссиясының төрағасы Азамат Айманакумов мәлімдеді.

Оның айтуынша, ұсынылғандардың арасында өндіріс, темір жол, әуежай байланысы және білім саласының қызметкерлері бар.

«Облысымыздан Сенат депутаттығына ұсынылған үміткерлердің екеуі - өндіріс, тағы екеуі - темір жол, әуежай байланысы салаларының, біреуі - білім саласының қызметкері. Үш кандидаттың екі жоғары білімі бар. Нақты мамандығын айтар болсақ, екеуі - экономист, біреуі - заңгер, біреуі - психолог, тағы біреуі - теміржол саласының маманы», - деді Азамат Айманакумов.

Айта кетейік, Сенат депутаттығына ұсынылған үміткерлердің орта жасы - 52-де, ал ең жасы - 44-те.


Жоғары қарай