Ауа райы
Астана -23 °С
Алматы -11 °С
валюта бағамы
USD 421.58
EUR 496.83
RUB 5.53
CNY 62.20

Атырау облыстық Денсаулық сақтау басқармасының басшысы ауысты

2020 жылдың 22 қазан 2020 16:57

АТЫРАУ. ҚазАқпарат –Атырау облыстық Денсаулық сақтау басқармасының басшысы болып Асхан Байдуәлиев тағайындалды, деп хабарлайды ҚазАқпарат.

Асхан Мархабайұлының мамандығы – дәрігер-уролог, медицина ғылымдарының кандидаты.

С.Асфендияров атындағы Қазақ ұлттық медицина университетін бітірген. Еңбек жолын аталған университеттің урология және жедел нефрология кафедрасында ассистент болып бастаған. Әр жылдары Алматы облысындағы Қарасай аудандық емханасының директоры, Алматы облыстық денсаулық сақтау басқармасының, С.Асфендияров атындағы Қазақ ұлттық медицина университеті қосымша кәсіби білім орталығының басшысы қызметін атқарған.

Сондай-ақ, С.Асфендияров атындағы Қазақ ұлттық медицина университеті клиникалық жұмыстар жөніндегі департаментінің директоры, Шымкент қалалық денсаулық сақтау басқармасының басшысы болып жұмыс істеген.

Осы тағайындауға дейін Атырау облыстық Денсаулық сақтау басқармасы басшысының орынбасары, басшысының міндетін атқарушы болды.



Жоғары қарай