Ауа райы
Астана -12 °С
Алматы -6 °С
валюта бағамы
USD 421.58
EUR 496.83
RUB 5.53
CNY 62.20

Атбасарда өрттен 1 адам қаза тауып, 3 адам құтқарылды

2020 жылдың 20 қараша 2020 10:43

НҰР-СҰЛТАН. ҚазАқпарат – Ақмола облысының Атбасар қаласында көппәтерлі тұрғын үйден шыққан өрт салдарынан 1 адам қаза тауып, 3 адам құтқарылды. Бұл туралы Төтенше жағдайлар министрлігінің ресми өкілі Талғат Уәли мәлім етті, деп хабарлайды ҚазАқпарат тілшісі.

«Кеше түнде Атбасар қаласында бес қабатты тұрғын үйдің пәтерлерінің бірінен өрт шықты. Өрт сөндіру барысында үш адам құтқарылды. Тағы 6 адам қауіпсіз жерге шығарылды. Оның ішінде 3 бала бар. Өкінішке орай, өрт болған пәтерде 1966 жылы туған ер адамның мүрдесі табылды», - деді ол.

Ресми өкілдің атап өтуінше, өрттің шығу себебі анықталып жатыр.

Өртті сөндіруге Төтенше жағдайлар департаментінің 7 маманы мен 2 техникасы жұмылдырылды. Оқиға орнында аудандық полиция бөлімінің кезекші жедел-тергеу тобы жұмыс істеді.





«26 минут ішінде өрт толығымен сөндірілді. Өрт үшінші қабаттағы пәтерлердің бірінен шыққан. Үй заттары мен жиһаздар өртенген. Өрт кезінде төменгі қабатта тұратын тұрғындар үйлерінен өздігімен шығып кеткен. Жоғары қабаттардағы тұрғындар қалың түтіннің салдарынан төмен түсе алмады. Өрт сөндірушілер әр пәтерді тексеріп, онда адамдар болған кезде оттегі маскасын киіп, таза ауаға шығарды», - деді Талғат Уәли.


Жоғары қарай