Ауа райы
Астана 2 °С
Алматы 10 °С
валюта бағамы
USD 421.58
EUR 496.83
RUB 5.53
CNY 62.20

Астананың жасыл белдеуінде 10 млн ағаш пен 1,8 млн бұта өсіп-өніп жатыр

2020 жылдың 16 қыркүйек 2020 22:53

НҰР-СҰЛТАН. ҚазАқпарат - Елордада биыл 30 мың ағаш отырғызылады, деп хабарлайды ҚазАқпарат.

Қалада тал егу, жасыл белдеуді қалыптастыру және экологиялық аумақтар құруда жұмыстар қарқынды түрде жүргізіліп жатыр.

«Отырғызылған көшеттердің өсуі үшін бірнеше жыл уақыт керек екенін білеміз. Әрине еккеннен кейін оларды күтіп таптау керек. Біздің коммуналдық қызметкерлер қолайсыз ауа райына қарамастан еңбектеніп жүр. Қала тұрғындары да өсімдіктерге ұқыпты қарауы қажет. Өсімдіктерді қорғау мақсатында жасыл көшеттерді күту әрі қорғау ережелері күшейтілді. Бұрын кесілген бір ағаштың орнын толтыру үшін бес ағаш егілетін. Енді бір ағаш кесілсе, оның орнына он ағаш отырғызу керек болады» деп жазды шаһар басшысы Алтай Көлгінов Instagram парақшасында.








Оның айтуынша, биыл 30 мың ағаш отырғызылады. Жұмыс елорданың барлық ауданында жүріп жатыр.

«Жасыл белдеуде 330 мың жапырақты және қылқанжапырақты ағаш, 3 мыңнан астам көшетке дейін егеміз. Жалпы, қазір жасыл белдеу аумағында 10,2 млн астам ағаш пен 1,8 млн бұта (қарақат, мойыл, бөріжидек, көріктал) өсіп-өніп жатыр. Аулалар, саябақтар, скверлер мен бульварларды абаттандыру кезінде, құрылыс барысында аумақты көгалдандыруға ерекше мән береміз. Өсімдіктер кеуіп кетпес үшін суару жүйесін 20%-дан 90%-ға дейін қалпына келтірдік» дейді елорда әкімі.

Мемлекет басшысы халыққа Жолдауында экотуризм мәдениетін дамыту маңызды міндет екенін айтқан болатын.

«Біз осы мақсатта экосаябақтар құру бойынша жұмыс атқарып жатырмыз. Олар халық жиналатын орын ғана болмай, қала экологиясын біршама жақсартуға да мүмкіндік береді» дейді Алтай Көлгінов.











Автор Жанат Қапалбаева
Басты сөздер: Нұр-Сұлтан, Экология,
Жоғары қарай