Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Astana Open: Дмитрий Попко өткен жылғы чемпионға жол берді

2021 жылдың 21 қыркүйек 2021 21:15

НҰР-СҰЛТАН. ҚазАқпарат - Қазақстандық Дмитрий Попко Astana Open ATP 250 турнирінің екінші айналымына шыға алмады, деп хабарлайды ҚазАқпарат тілшісі.

Дүниежүзілік рейтингте 188-орында тұрған Д.Попко алғашқы айналымда әлемнің 48-ракеткасы, осы жарыстың өткен жылғы чемпионы, аустралиялық Джон Миллманмен күш сынасты.

Қазақстандық теннисші матчты қос брейкпен сәтті бастады - 6:3.

Алайда осыдан кейін Д.Миллман ойын тізгінін өз қолына алып, 6:1, 6:4 есебімен жеңіске жетті.

Екі сағаттан астам уақытқа созылған матчта Попко 3 эйс жасап, 9 брейк-пойнттың үшеуін ғана пайдаланды. Қарсыласы 4 эйс, 5 брейкке (6 брейк-пойнт) қол жеткізді.

Д.Миллман екінші айналымда әлемнің 71-ракеткасы, испаниялық Хауме Муньярмен шеберлік байқасады.

Еске сала кетейік, бұдан бұрын Тимофей Скатовтың тәжірибелі теннисшіні жеңіп, екінші айналымға шыққанын жазған болатынбыз.


Автор Елжан Ералы
Басты сөздер: Спорт,
Жоғары қарай