Ауа райы
Астана 19 °С
Алматы 30 °С
валюта бағамы
USD 412.55
EUR 468.66
RUB 5.79
CNY 58.80

Әскери билетті тездетіп жасап беру үшін пара алған шенеунік ұсталды

2020 жылдың 9 шілде 2020 17:05

НҰР-СҰЛТАН. ҚазАқпарат - Қарағанды қаласында аудандық қорғаныс істері жөніндегі бөлімнің шенеунігіне қатысты қылмыстық іс қозғалды. Бұл туралы ҚР Сыбайлас жемқорлыққа қарсы іс-қимыл агенттігі 1-ші департаменттің аса маңызды істер жөніндегі тергеушісі Қайсар Баржақсынов айтты, деп хабарлайды ҚазАқпарат тілшісі.

«Қарағанды қаласы Октябрь ауданының Қорғаныс істері жөніндегі бөлімі мобильді жоспарлау қызметінің басшысына қатысты қылмыстық іс қозғалды», - деді Қайсар Баржақсынов.

Оның атап өтуінше, Қарағанды облыстық сыбайлас жемқорлыққа қарсы қызмет әскери билетті тездетіп беру және әкімшілік жауапкершілікке тартпау үшін пара алу үстінде Қазақстан Республикасы Қорғаныс министрлігінің Қарағанды қаласы Октябрь аудандық қызметінің басшысын ұстаған.

«Тергеу мүддесіне және ҚР ҚПК-нің 201-бабына сәйкес өзге ақпарат жариялауға жатпайды», - деді ол.


Жоғары қарай