Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

تاشكەنتتەن ىستانبۇلعا شىققان ۇشاق شۇعىل قوندى

2022 жылдың 26 мамыр 2022 21:49

نۇر-سۇلتان.قازاقپارات - تاشكەنتتەن ىستانبۇلعا شىققان HY-273 رەيسى تۇركيانىڭ ترابزون اۋەجايىنا شۇعىل قوندى.

تەحنيكالىق سەبەپتەرگە بايلانىستى ۇشاق تاشكەنت ۋاقىتىمەن 21:10-دا تۇركيانىڭ ترابزون اۋەجايىنا قونۋعا ءماجبۇر بولدى. وزبەكستان اۋەجايىنىڭ باسپا ءسوز قىزمەتى تاراتقان مالىمەتكە سايكەس، ۇشاق بورتىنداعى 240 جولاۋشىنىڭ ومىرىنە قاۋىپ تونگەن جوق. بارلىق ساپار شەگۋشىلەر ترابزونداعى قوناق ۇيگە ورنالاستىرىلىپ، جاقىن ارادا ىستانبۇلعا جەتكىزىلەدى.

ودان بولەك، 21:45-تە ۇشۋى ءتيىس ىستانبۇل- تاشكەنت باعىتىنداعى HY-274 رەيسى كەيىنگە شەگەرىلدى. قازىر ىستانبۇلدان تاشكەنتكە جولاۋشىلاردى تاسىمالداۋ ءۇشىن رەزەرۆتىك ۇشاق جىبەرۋ ماسەلەسى قاراستىرىلۋدا.

«جولاۋشىلاردان كەشىرىم سۇراي وتىرا، ۋاقىتشا قولايسىزدىقتارعا تۇسىنىستىك تانىتۋعا شاقىرامىز»، دەيدى اۋەجاي باسشىلىعى.

سالتانات كەنجەباي

egemen.kz


Басты сөздер: الةم,
Жоғары қарай