Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

قازگيدرومەت ەلىمىزدىڭ قاي وڭىرلەرىندە قۇرعاقشىلىق بولاتىنى تۋرالى بولجام جاسادى

2022 жылдың 26 мамыр 2022 11:40

نۇر-سۇلتان. قازاقپارات - قۇرعاقشىلىقتىڭ قارقىندىلىعى مەن اسەرى، قازاقستاننىڭ ءار ايماعىندا ءار ءتۇرلى كورىنەدى.

«قازگيدرومەت» ر م ك 2022 -جىلدىڭ ماۋسىمىنا ارنالعان قۇرعاقشىلىقتىڭ الدىن الا بولجامىن جاريالادى.

الدىن الا بولجامعا سايكەس، ماۋسىم ايىندا رەسپۋبليكانىڭ باسىم بولىگىندە قۇرعاقشىلىقتىڭ تۋىنداۋ ىقتيمالدىعى تومەن، نەگىزىنەن ىلعالدانۋ جاعدايلارى نورماعا جاقىن بولادى دەپ كۇتىلۋدە.

«جامبىل وبلىسىنىڭ مويىنقۇم اۋدانىندا ءبىرقالىپتى قۇرعاقشىلىق بولجانىپ وتىر. قىزىلوردا وبلىسىنىڭ قارماقشى اۋدانىندا جانە ماڭعىستاۋ وبلىسىنىڭ قاراقيا اۋدانىندا قاتتى قۇرعاقشىلىق بولجانادى. جامبىل وبلىسىنىڭ رىسقۇلوۆ اۋدانىندا، اقتوبە وبلىسىنىڭ ويىل اۋدانىندا جانە تۇركىستان وبلىسىنىڭ سايرام اۋدانىندا قولايلى ورتاشا ىلعالدى جاعداي بولادى دەپ كۇتىلەدى»، - دەلىنگەن سينوپتيكتەر حابارلاماسىندا.

ايتا كەتسەك، قۇرعاقشىلىقتىڭ قارقىندىلىعى مەن اسەرى، قازاقستاننىڭ ءار ايماعىندا ءار ءتۇرلى كورىنەدى. قىزىلوردا جانە ماڭعىستاۋ وبلىستارى اگروكليماتتىق اۋدانداستىرۋعا سايكەس، VIII اگروكليماتتىق ايماققا جاتادى جانە قۇرعاقشىلىققا ۇشىراعان وتە قۇرعاق، ىستىق ايماق رەتىندە سيپاتتالادى.

بارلىق بولجامدار ق ر اۋىل شارۋاشىلىعى مينيسترلىگىنە تۇراقتى تۇردە ۇسىنىلادى، سونداي-اق قوسىمشادا جاريالانىپ تۇرادى agrodata.kz.


Басты сөздер: ايماق,
Жоғары қарай