Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

ۇ ب ت- داعى تۇلەكتىڭ قۋلىعى ۆيدەوعا ءتۇسىپ قالدى

2022 жылдың 24 мамыр 2022 11:25

نۇر-سۇلتان. قازاقپارات - ۇلتتىق ءبىرىڭعاي تەستىلەۋ كەزىندە وقۋشى بەينەكامەرا مەن مينيقۇلاققاپ قولدانعان، دەپ حابارلايدى قازاقپارات.

بۇل جايىندا ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ ءمالىم ەتتى.

«ءبىز ۇ ب ت- داعى ءاربىر جوعارى ناتيجەنى تەكسەرەمىز. وسىلايشا، وتكەن اپتادا تەستىلەۋ كەزىندە ەرەجەلەردى بۇزعانى ءۇشىن اۋديتوريادان بارلىعى 21 ادام شىعارىلىپ، ولاردىڭ ناتيجەسى جويىلدى. سونىمەن قاتار جوعارى ناتيجە كورسەتكەن تالاپكەرلەردى قايتا باقىلاۋ بارىسىندا ەرەكشە نازارىمىزعا تۇسكەن تەستىلەنۋشىگە توقتالسام. تەست تاپسىرۋشى قاڭتار ايىندا 72 بال، ال نەگىزگى ۇ ب ت- دا 130 بال جيناعان. ناتيجەسى بىردەن 58 بالعا وسكەن، سوندىقتان ءبىز قوسىمشا كۇشەيتىلگەن باقىلاۋدى وتكىزۋدى ءجون كوردىك. بەينەجازبالاردى تەكسەرۋ بارىسىندا تالاپكەردىڭ ۇ ب ت ەرەجەلەرىن بۇزعانى بەلگىلى بولدى. ول تەستىلەۋ بارىسىندا بەينەكامەرا مەن ميني قۇلاققاپ قولدانعان» دەيدى رۋسلان ەمەلبايەۆ.

ونىڭ ايتۋىنشا، وسىعان جول بەرگەن قىزمەتشى تەستىلەۋدەن شەتتەتىلگەن. قىزمەتتىك تەكسەرىس جۇرگىزىلىپ، ءتيىستى شارا قولدانىلادى. ال تەست تاپسىرۋشىنىڭ ناتيجەسى جويىلدى. ەندى ول ەكىنشى مۇمكىندىگىن قولدانا المايدى.

«دوستار، جۇيەنى الداۋعا تىرىسۋدىڭ قاجەتى جوق. جاۋاپكەرشىلىكتەن ەشكىم قۇتىلا المايدى. تاعى دا سىزدەردى اكادەميالىق ادالدىقتى ساقتاۋعا شاقىرامىن. ال ءبىز باقىلاۋدى ودان ءارى كۇشەيتەمىز» دەيدى ورتالىق ديرەكتورى.


Басты сөздер: قوعام,
Жоғары қарай