Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

ۆەلوسيپەدپەن قاجىلىققا بارا جاتقان وزبەكستاندىق قازاق پوليسەيلەرىنە العىس ايتتى

2022 жылдың 21 мамыр 2022 11:02

اتىراۋ. قازاقپارات - قاجىلىققا ۆەلوسيپەدپەن بارا جاتقان وزبەكستاندىق ازامات قازاقستان پوليسەيلەرىنە العىس ايتتى، دەپ حابارلايدى قازاقپارات ءتىلشىسى.

وزبەكستان رەسپۋبليكاسىنىڭ 56 جاستاعى ازاماتى بوزورباي ساتۆولديەۆ ۆەلوسيپەدپەن مەككەگە قاجىلىققا بارۋعا جولعا شىققان.

ول قازاقستان رەسپۋبليكاسىنىڭ اۋماعىنا تۇركىستان وبلىسىنداعى شەكارا بەكەتى ارقىلى وتكەن.

ال، بۇگىن، 20-مامىردا اتىراۋ وبلىسى ارقىلى ماڭعىستاۋ وڭىرىنە باعىت العان.

جولدا ۆەلوسيپەدپەن كەتىپ بارا جاتقان ونى ساعات 14:30 شاماسىندا جىلىوي اۋداندىق پوليتسيا ءبولىمىنىڭ قىزمەتكەرلەرى كەزدەستىرگەن.

«جول بويىنان ۆەلوسيپەدىنە وزبەكستان رەسپۋبليكاسىنىڭ تۋىن ءىلىپ، سومكە اسىنعان ەگدە جاستاعى ەر ادامدى بايقادىق. ونىمەن ءجون سۇراسىپ، وزبەكستان رەسپۋبليكاسىنىڭ ازاماتى بوزوربوي ساتۆولديەۆ ەكەنىن بىلدىك. ماڭعىستاۋ وبلىسىنا باعىت الىپ بارادى. دىتتەگەن جەرى - ساۋد ارابياسىنداعى مەككەگە جەتىپ، قاجىلىق پارىزىن وتەۋ» ، - دەيدى اۋداندىق پوليتسيا ءبولىمى تەرگەۋ بولىمشەسى باستىعىنىڭ ورىنباسارى، پوليسيا كاپيتانى نۇرلان جانگەلوۆ.

پوليسيا كاپيتانى الىس جولعا ۆەلوسيپەدپەن شىققان وزبەكستاندىق ازاماتقا جول كورسەتىپ، ازىق- تۇلىكپەن، قاراجاتپەن قامتاماسىز ەتكەن.

«مەن - وزبەكستان رەسپۋبليكاسىنىڭ ازاماتىمىن. وزبەكستان رەسپۋبليكاسىنان مەككەگە قاجىلىقتى پارىزىمدى وتەۋ ءۇشىن ۆەلوسيپەدپەن بارا جاتىرمىن. ماعان جول كورسەتىپ، كومەك بەرىپ جاتقان قازاقستان پوليسياسىنا راحمەتىمدى ايتامىن. قىزمەتتەرىڭىزگە ساتتىلىك تىلەيمىن، قازاقستان پوليسياسى جاساي بەرسىن!» ، - دەپ العىسىن ءبىلدىردى بوزوربوي ساتۆولديەۆ.

اۆتور بەك مۇستافا

Басты сөздер: ايماق,
Жоғары қарай