Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

قىتاي ءومىر سۇرۋگە جارامدى پلانەتا ىزدەۋ جوباسىن ىسكە قوسۋدى جوسپارلاپ وتىر

2022 жылдың 21 мамыр 2022 08:32

بەيجىڭ. قازاقپارات - قىتايدىڭ استرونومدار توبى CHESS (Closeby Habitable Exoplanet Survey) جوباسى اياسىندا عارىشتا ءومىر سۇرۋگە بولاتىن پلانەتالار ىزدەۋ ءۇشىن وپتيكالىق تەلەسكوپ ۇشىرۋعا نيەتتى، دەپ حابارلايدى قازاقپارات ءتىلشىسى «شينحۋا» اگەنتتىگىنە سىلتەمە جاساپ.

جوباعا سايكەس، اينا ديامەترى 1,2 مەتر بولاتىن وپتيكالىق تەلەسكوپ لانگراجدىڭ ەكىنشى نۇكتەسىنە (L2) جاقىن گالو- وربيتاعا شىعارىلادى جانە بەس جىل ىشىندە كۇن ءتارىزدى 100 جۇلدىزدى زەرتتەيدى. ەسەپتەۋلەر بويىنشا، كۇن ءتارىزدى جۇلدىزداردىڭ اينالاسىندا ءومىر سۇرەتىن ايماقتا ورنالاسقان عارىش وبەكتىلەرى اينالادى.

ناتيجەسىندە قىتاي زەرتتەۋشىلەرى جەر سياقتى جانە ءومىر سۇرۋگە جارامدى 50 گە جۋىق پلانەتا اشۋى مۇمكىن. الايدا، ولاردىڭ كوپشىلىگى جەردەن جۇزدەگەن جىل قاشىقتا ورنالاسقان.

قىتاي عىلىم اكادەمياسىنىڭ پروفەسسورى جي جيانحۋانىڭ ايتۋىنشا، بۇگىنگى تاڭدا راستالعان ەكزوپلانەتالاردىڭ سانى 5 مىڭنان استى، ولاردىڭ 50 گە جۋىعى جەرگە ۇقساس.

«ءومىر سۇرۋگە جارامدى الەمدەردىڭ اشىلۋى ادامزات ءۇشىن ۇلكەن جەتىستىك بولادى جانە بولاشاقتا ءبىزدىڭ ءومىر ءسۇرۋ كەڭىستىگىمىزدى كەڭەيتەدى»، - دەپ كەلتىرەدى «شينحۋا» اگەنتتىگى عالىمنىڭ ءسوزىن.

Басты сөздер: الةم,
Жоғары қарай