Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

اقسۋ- جاباعىلى تاۋلارىندا قىزىل كىتاپقا ەنگەن قوڭىر ايۋ ۆيدەوعا ءتۇسىپ قالدى

2022 жылдың 18 мамыр 2022 22:30

تۇركىستان. قازاقپارات - تۇركىستان وبلىسىنداعى اقسۋ- جاباعىلى قورىعىندا تيان- شان قوڭىر ايۋىنىڭ ۆيدەوسى پايدا بولدى، دەپ حابارلايدى قازاقپارات ءتىلشىسى. ايۋدى بلوگەر ايبار تولەۋبەكوۆ كامەراسى بار دروننىڭ كومەگىمەن ءتۇسىرىپ العان.

«ءبىز اقسۋ- جاباعىلى قورىعىنىڭ اۋماعىنا كىرمەس بۇرىن رۇقسات الدىق. ءبىزدىڭ ماقساتىمىز - تابيعاتتىڭ سۇلۋلىعىن ءتۇسىرۋ بولدى. درونمەن ۆيدەو تۇسىرگەن كەزدە ايۋ مەن ونىڭ قونجىعى كەزدەيسوق تۇسىرىلگەنىن بايقادىم»، - دەپ ءبولىستى ۆيدەو اۆتورى.

تابيعات تۋرالى Tabigat Media ونلاين- باسىلىمنىڭ مالىمەتىنشە، قوڭىر ايۋدىڭ شاعىن ءتۇرى سانالاتىن تيان- شان قوڭىر ايۋى ۆيدەوعا تۇسكەن. ول قازاقستاننىڭ قىزىل كىتابىنا ەنگىزىلگەن.

اقسۋ- جاباعىلى - قازاقستانداعى ەڭ ەسكى جانە يۋنەسكو بيوسفەرالىق قورىعى مارتەبەسىن العان ورتالىق ازياداعى ءبىرىنشى قورىق. ول باتىس تيان- شان سىلەمدەرىندە تەڭىز دەڭگەيىنەن 1000 نان 4280 مەترگە دەيىنگى بيىكتىكتە ورنالاسقان.


Басты сөздер: ايماق,
Жоғары қарай